النصائح العشر لطلاب الثانوية اﻷزهرية

السلام عليكم يا رجال الأزهر

1- خلّص الشرعي والعربي بدري وتهتم بيهم جدا من كتاب المدرسة
للعلم المواد العلمية برغم مذاكرتي ليها كتير جدا ضيعتني ،، والشرعي والعربي هو اللي رفع مجموعي جدا ،
أنا مبقولش نهمل العلمي لكن لازم نهتم بالشرعي والعربي ولو خلصتهم بدري هتستريح جدا جدا جدا و هيديك عامل نفسي كويس .

2- لازم الشرعي والعربي من كتاب المدرسة لااااازم وتركز فيهم كويس الامتحانات بتاعة السنين دي {خاصة منذ عام 2013 و مرورا بإختبارات 2014 و حتى 2015}
اسئلتها كلها من كتاب المدرسة وخارج كتاب المرشد ودا اللي هيفرقك كتير عن الدفعة كلها .
والتكرار التكرار ثم التكرار

3- حافظ علي وقتك جدا ، بس مش اللي هو وانا رايح الدرس هذاكر في السكة و وأنا راجع هذاكر مش عارف إيه وفي المكروباص.....
لا لا لا مش كدة خالص حافظ بس علي وقت مذاكرتك يعنى الوقت اللي انت هتذاكر فيه في البيت وخلي الدرس الوقت اللي هتفصل فيه

ولو مش قادر تمشي علي جدول في الشرعي والعربي
ممكن تاخد درس لو ظروفك المادية تسمح بذلك انما هو مش مهم
كل المستفاد من الدرس انه هينظملك المذاكرة يعني هتمشي مع الدرس كمنهج لكن مش اللي اخدته في الدرس هو اللي تذاكره بس
يعني ايه؟
يعني مثلا اخدت النهاردة الحديث الرابع هتروح تفتح كتاب المدرسة وتذاكرة كويس وتنسي اللي في الدرس خالص لان مدرسين الشرعي بيختصرو جدا

4- متقعدش تدور المدرسين هيخلصو امتي عشان تقعد تذاكر في البيت لان اول ما تقعد من الدروس مش هيبقي ليك نفس تذاكر
لكن الدرس بيمشيك علي نظام مراجعة معين
● احسن حاجة في مذاكرة العلمي هي تقسيم الدرس علي مدار الاسبوع كل يوم شوية لانك بتشوف الدرس كتير فبتفتكرة كويس

5- متخليش حد يحبطك :
مثلا هتقابل ناس تقولك خلصنا التفسير ونص الحديث و.... و.... و...... ولا يهمك خالص ظبط جدولك تمام وامشي علية حتي لو خلصت علي شهر 4 ولو فوت منك ظبطه تاني وتالت ولا يهمك
خلص واحدة واحدة والسنة لسة طويلة وبراحتك. اهم حاجة محدش يحبطك وكمان متحبطش نفسك.

6 - والله والله والله 3ثانوي ازهر مش محتاجة 13 ساعة ولا 8 ساعات ولا اي حاجة والامتحان مش بيقولك تعالى هنا انت ذاكرت كام ساعة لا والله كل اللي محتاجه مذاكرة منظمة فقط حتي لو انت مقضيها .

7- من أهم عوامل النجاح هي إفادة الاخرين
يعني فيد زمايلك ومتقولش معلومة تعبت فيها واديهالهم علجاهز وشغل الاطفال
← للعلم ادمن عبدالله كان معانا السنة اللي فاتت وكان بيدينا الملاحظات والافكار بتاعت المسائل واسئلة الشرعي وكده ، دلوقتي إحنا مع بعض في الكلية وجاب في تالتة ثانوي 100% ايوة والله 100% ومكنش بيذاكر 8 ساعات ولا الكلام دة بس كان منظم وقته جدا .

8- هيجي عليك وقت هتنسي حلمك وتتخنقك ومش قادر تذاكر وتحس انك بتضيع
والله عادي جدا جدا
طب والحل
ابدأ صفحة جديدة نقطة ومن اول السطر وشوف اللي خنقك وابدا بية وخلصة واثبت لنفسك انك تقدر تتجاوز دة.

9- كن علي يقين ان الامر كله بيد الله
واللي مكتوبلك هتشوفه مهما حصل وياما كنا مذاكرين قشور ودخلنا لقيناها في الامتحان وياما كن مذاكرين الكتاب كلة الا نقطة ودخلنا لقيناها في الامتحان .

10-اخيرا لا تُحبَط ، لا تُحبَط ، لا تُحبَط
العملية سهلة جدا جدا اسهل مما تتصور هي عايزة نظام بس مش عدد ساعات .
وهيجي عليك اليوم اللي هتقول فيها ايه السنة التافهة اللي كانت تعباني و كانت مخليانى متوتر كده
ياما عملت جداول ومكملتش واتخنقت وبدات من جديد
وياما طنشت للمستقبل اصلا من كتر الخوف
وفي الاخر جت الكلية اللي مكنتش متوقعها او حلمت بيها .
استعينو بالله واللي مبداش يبدأ واللي ماشي يكمل لسة بدري ،،
___ ____ ___ ___
◀وكمان متفكرش ان الكلية راااحة لا الكلية عايزة برده مذاكرة وتنظيم وقت بس الفرق ان الكلية بتدرس حاجات انت #حاببها بتوسع جدا و بنظاام مختلف تماما عما إعتدت عليه خاصة لو رزقت ب كلية علمية :-)

الحاجات دي كنت في معظم الاوقات ابعد ما يمكن عنها بس انا متأكد اني لو كنت فضلت ماشي عليها كنت هبقي احسن من كدة بكتيــــــــــــــر

ويا جماعة اللي عايز اي حاجة تحت امركم
واللي واقفة معاه اي حاجة احنا تحت امركم

اخوكم نور الدين

https://www.facebook.com/Thanawy.Azhari/posts/1652472385036863