نصائح داخل الامتحانات
استعن بالله و ادع فى صلاتك اليوم بالتوفيق.
●●● فى اللجنة
1) بالقلم الرصاص فى الامتحان بعد ما تخلص حل كل فقرة فى السؤال دوس عليها خط بالرصاص عشان متنساش حاجة خاصة أن امتحانات الشرعى و العربى بتكون #ملزقة و اكتر من سؤال فى نفس الفقرة !
2) حاول تجمع بقدر الامكان الاجابة فى دماغك و تنظمها عشان متنساش كلمة فى النص و ترجع عاوز تكتبها و تشغبط و تحطم معنويات المصحح بشغبطتك ديه 😃
3) ابدأ فى إجابة كل سؤال ب نقل رأس السؤال ، أولا ليك و للمصحح و مين يدرى يمكن المصحح ميكونش عارف السؤال ايه و يقرأ رأس السؤال اللى هيلاقيه تيبكال فى النموذج و كام كلمة كمان او ميلحقش يقرأ غيره و يديك الدرجة !!
4) حاول تطول فى اجاباتك بعد كتابة رأس السؤال و الإجابة المطلوبة ، لو فيه لسة كلام تعرفه عن السؤال >> اكتبه من غير تردد !
** افتكر انا انه كان طالب شرح بيت فى الادب و النصوص بتاع (إذا ما ذباب السيف لم يك ماضيا ) شرحتهوله بطريقتى و كان شرح واهى الصراحة لا هو بتاع الكتاب و لا هو مقنع اوى ، و كان طالب اسم قائل النص فقط بتاع طيف سميرة ، كتبتله كل ما اعرفه عن سامى البارودى فى صفحة و نص ! 😃 و النتيجة أنى قفلت الادب و النصوص بفضل الله ! 😄
** فى الميراث كان طلب دليل نصيب الاخت الشقيقة مع الاخ الشقيق ! كتبت نص الاية 😁
و فى المسئلة كتبت الوارث و نصيبه و التعليل و الدليل و أصل المسألة و العول و اسهم كل واحد ! 😃 من غير ما يطلب ، و بحمد الله برده قفلت الفقه.
مع أن التصحيح غالبا زى ما شوفت مع اصحابى و مع اللى راح اتظلم و شاف : كان بالشعرة ! لكن انت تقدر ترضى المصحح برضه 😃
●●● فى فترة الراحة:
استعد نشاطك (اشرب/كل) ، يفضل ما تكلمش حد و متراجعش مع حد ! 😃 خاصة أن كل واحد و ليه نظرته ... انت بالنسبالك نقصانك درجة معناها فشل ذريع و البعض كونه جاب نص الدرجة تفوق فظيع 😃و هتشوف على ده ترتبات فيما بعد ، لكن برده عشان متكتشفش أخطاء أو تحس بتقصير و تدخل شايل (طاجن ستك) 😁😁 الميكانيكا و أنت محتاج أقل درجة تركيز ! مع أن فيه حاجات كتير تلاقى التصحيح تجاوز عنها و انت كنت مفكرها هتنقصك ! و يطلع أنك جبت فى الفقه درجة كويسة و فى الميكانيكا درجة أسوأ بسبب فقدانك تركيزك !
●●● فى الميكانيكا:
1) حل الأسئلة كاملة
** يجدر بى ذكر موقف شخصى ؛ أن لولا حل أسئلة الميكانيكا كاملة مكنتش قفلت الرياضيات ! و انا بحسب فى الاستاتيكا فى المسألة الوحيدة اللى نقلها بالنص من كتاب الوزارة ضربت فى (50) بدل من (40) 😃
الشاهد: إني مكنتش معتبر نفسي غلطان لأنى ماشي صح والخطوات تمام ، لكن اتفاجئت بعد اللجنة إنى حطيت رقم عالألة غير اللى أقصده!!
2) لو تعرف تحل ب أكتر طريقة حل !
اولا : هتطمن ل الناتج اللى انت مطلعه
ثانيا : انت متعرفش ايه اللى بيمشوا فيه فى التصحيح و خلافه !
____________________
■■■ اخيرا بقى و ديه نصيحة عامة للأسبوع القادم كله :
الأسبوع الأول يعنى أكتر أسبوع ليه دور فى العامل النفسى و تركيزك فى المراجعة للمواد اللى بعده و امتحاناتهم !
>> حتى أكون صريح معاك 😃 انت معرض ل صدمات كتير فى الاسبوع ده !
الفقه أطول مادة !
القرآن بيشكل للأسف مشكلة للبعض !
الانجلش و ده قمة الهرج و المرج فى الأزهر!
○○ لكن بحسبة بسيطة : انت مش هتمتحن ورقة ب أكتر من تلاتين درجة !!
الفقه 30 - الميراث 10 - الميكانيكا 20 - القران 30 - الانجلش 20×2
يعنى ولا ييجوا أى حاجة فى مواد الأسابيع اللى بعدها ! (60-40) و الحديث ب 50 !!
يعنى متفقدش الامل و متنهارش من الأسبوع الأول خااالص !😄 بالعكس ، المفترض إنه يديك دفعة ﻷنك تجتهد فى مواد الأسابيع القادمة 😃 استعن بالله بس و شد حيلك 😃
و ربنا يكرم الجميع 😄
1) بالقلم الرصاص فى الامتحان بعد ما تخلص حل كل فقرة فى السؤال دوس عليها خط بالرصاص عشان متنساش حاجة خاصة أن امتحانات الشرعى و العربى بتكون #ملزقة و اكتر من سؤال فى نفس الفقرة !
2) حاول تجمع بقدر الامكان الاجابة فى دماغك و تنظمها عشان متنساش كلمة فى النص و ترجع عاوز تكتبها و تشغبط و تحطم معنويات المصحح بشغبطتك ديه 😃
3) ابدأ فى إجابة كل سؤال ب نقل رأس السؤال ، أولا ليك و للمصحح و مين يدرى يمكن المصحح ميكونش عارف السؤال ايه و يقرأ رأس السؤال اللى هيلاقيه تيبكال فى النموذج و كام كلمة كمان او ميلحقش يقرأ غيره و يديك الدرجة !!
4) حاول تطول فى اجاباتك بعد كتابة رأس السؤال و الإجابة المطلوبة ، لو فيه لسة كلام تعرفه عن السؤال >> اكتبه من غير تردد !
** افتكر انا انه كان طالب شرح بيت فى الادب و النصوص بتاع (إذا ما ذباب السيف لم يك ماضيا ) شرحتهوله بطريقتى و كان شرح واهى الصراحة لا هو بتاع الكتاب و لا هو مقنع اوى ، و كان طالب اسم قائل النص فقط بتاع طيف سميرة ، كتبتله كل ما اعرفه عن سامى البارودى فى صفحة و نص ! 😃 و النتيجة أنى قفلت الادب و النصوص بفضل الله ! 😄
** فى الميراث كان طلب دليل نصيب الاخت الشقيقة مع الاخ الشقيق ! كتبت نص الاية 😁
و فى المسئلة كتبت الوارث و نصيبه و التعليل و الدليل و أصل المسألة و العول و اسهم كل واحد ! 😃 من غير ما يطلب ، و بحمد الله برده قفلت الفقه.
مع أن التصحيح غالبا زى ما شوفت مع اصحابى و مع اللى راح اتظلم و شاف : كان بالشعرة ! لكن انت تقدر ترضى المصحح برضه 😃
●●● فى فترة الراحة:
استعد نشاطك (اشرب/كل) ، يفضل ما تكلمش حد و متراجعش مع حد ! 😃 خاصة أن كل واحد و ليه نظرته ... انت بالنسبالك نقصانك درجة معناها فشل ذريع و البعض كونه جاب نص الدرجة تفوق فظيع 😃و هتشوف على ده ترتبات فيما بعد ، لكن برده عشان متكتشفش أخطاء أو تحس بتقصير و تدخل شايل (طاجن ستك) 😁😁 الميكانيكا و أنت محتاج أقل درجة تركيز ! مع أن فيه حاجات كتير تلاقى التصحيح تجاوز عنها و انت كنت مفكرها هتنقصك ! و يطلع أنك جبت فى الفقه درجة كويسة و فى الميكانيكا درجة أسوأ بسبب فقدانك تركيزك !
●●● فى الميكانيكا:
1) حل الأسئلة كاملة
** يجدر بى ذكر موقف شخصى ؛ أن لولا حل أسئلة الميكانيكا كاملة مكنتش قفلت الرياضيات ! و انا بحسب فى الاستاتيكا فى المسألة الوحيدة اللى نقلها بالنص من كتاب الوزارة ضربت فى (50) بدل من (40) 😃
الشاهد: إني مكنتش معتبر نفسي غلطان لأنى ماشي صح والخطوات تمام ، لكن اتفاجئت بعد اللجنة إنى حطيت رقم عالألة غير اللى أقصده!!
2) لو تعرف تحل ب أكتر طريقة حل !
اولا : هتطمن ل الناتج اللى انت مطلعه
ثانيا : انت متعرفش ايه اللى بيمشوا فيه فى التصحيح و خلافه !
____________________
■■■ اخيرا بقى و ديه نصيحة عامة للأسبوع القادم كله :
الأسبوع الأول يعنى أكتر أسبوع ليه دور فى العامل النفسى و تركيزك فى المراجعة للمواد اللى بعده و امتحاناتهم !
>> حتى أكون صريح معاك 😃 انت معرض ل صدمات كتير فى الاسبوع ده !
الفقه أطول مادة !
القرآن بيشكل للأسف مشكلة للبعض !
الانجلش و ده قمة الهرج و المرج فى الأزهر!
○○ لكن بحسبة بسيطة : انت مش هتمتحن ورقة ب أكتر من تلاتين درجة !!
الفقه 30 - الميراث 10 - الميكانيكا 20 - القران 30 - الانجلش 20×2
يعنى ولا ييجوا أى حاجة فى مواد الأسابيع اللى بعدها ! (60-40) و الحديث ب 50 !!
يعنى متفقدش الامل و متنهارش من الأسبوع الأول خااالص !😄 بالعكس ، المفترض إنه يديك دفعة ﻷنك تجتهد فى مواد الأسابيع القادمة 😃 استعن بالله بس و شد حيلك 😃
و ربنا يكرم الجميع 😄
https://www.facebook.com/Thanawy.Azhari/posts/1733598693590898
Aucun commentaire:
Enregistrer un commentaire