تسع نصائح لطلبة الثانوية اﻷزهرية

الثــــــــــــــانوية الأزهريــــــــــــــة (نبذة مُختصرة)
ديه عبارة عن نصائح أو رسائل عامّة ، و فى البوستات القادمة هنتكلم عن المواد بشكل تفصيلى أكتر .....
>>
1) حاليا اهم حاجة تعملها انك #تخلّص_اللي_وراك_أوّل_بأوّل ، و تراجع علي اللي بتاخده علطول
لان الوقت بعد كدا هيتزحم و هتلاقي نفسك مش بتدي المراجعة حقها ف لازم تثبت بدايات كل مادة كويس جدا عشان اما تيجي تراجعها بعد كدا ما تاخدش منك وقت كبير 
------
2) حاول ما تشتغلش لوحدك ، يعني انت و صحابك استفيدوا من بعض لأن كل واحد ليه طريقة تفكير مختلفة ف هتلفتوا نظر بعض لحاجات جديدة 
و لو تعرفوا تشرحوا لبعض كمان اشرحوا بس بدون تضيع وقت و فيد و ساعد اي حد تقدر تساعده 
------
3) الوقت اهم حاجة عندك ف الثانوية و ف حياتك كلها نظم وقتك كويس اوي 
------
4) كل مادة بتحتاج طريقة مذاكرة و دماغ غير التانية فـ متمشيش بطريقة مذاكرة واحدة نوع ف طرق مذاكرتك لحد ما تلاقي لكل مادة طريقتها و حاول تبقي ذكي و فنان ف مذاكرتك عشان تحصل اكبر قدر بمجهود اقل و الفن دا بيجي مع الوقت و توفيق ربنا طبعا
>> مثال:مادة التفسير هتلاقي فهمها سهل فـ أغلب مجهودك هيبقي ف الحفظ و دا بيجي مع التكرار
إنما مادة زي الفقه لازم تفهم كويس قبل ما تحفظ فـ هتلاقي مجهودك ف البداية مستنفذ في الفهم بعد كدا تبدأ ف الحفظ
------
5) حفظ المادة بنص الكتاب مش معناه ابدا أنك تلغي مخك و متفهمش و هي مش حاجة خارقة يعني بالعكس طالما بتذاكر و تعيد هتلاقي النص اتحفر ف دماغك ان شاء الله 
------
6) اهمية انك تجاوب بنص الكتاب ان هو دا اللي هيضمنلك الدرجة النهائية ان شاء الله 
------
7) الشرعي و العربي هم اللي هيخلوك تجيب مجموع بس الثقافي بيحتاج وقت طويل و مجهود ف المذاكرة ف لازم تدي لكل حاجة حقها و يفضل تقسم وقتك 25% شرعي 25% عربي 50% ثقافي
------
8) زي ما قُلنا قبل كده السنادي ملهاش علاقة بالسنين اللي فاتت ف اوعي تقيس نفسك ع اللي فات (الموضوع السنادي اجتهاد محض)
------
9) أهم من اللي فات كله رضا الله و الوالدين و دعاؤهما 
....
إن شاء الله كل يوم ابتداءًا من اليوم هكلمكم عن مادة مادة و ازاي تتعامل معاها و للأسف أغلب كلامي هيكون للقسم العلمي ... و لو عايز اي حاجة إحنا فـ الخدمة

https://www.facebook.com/Thanawy.Azhari/posts/1767308043553296