أهم ما الثانوية الازهرية تلات حاجات ...
١) مش قادر > وحلها انك تنظم وقتك كويس عشان ميبقاش عندك حاجات كتير
عن نفسي لو كنت قعدت اكتر من ٣ ساعات علي الكتاب فيوزات دماغي تضرب بس كنت بنظم الوقت عشان مزهقش وفي نفس الوقت اطلع بمحصلة كويسة ٦ ساعات علي الاكثر في اليوم .
٢) نسيت > ودا شئ طبيعي ،، أنت طبيعي تذاكر الحاجة النهاردة وتنساها بكرة لان هي مش اسمك ، بس انت اسمك حافظة كويس عشان اتكرر كتير وبالتالي كل ما الحاجة تتكرر هتثبت وبعدين ذاكر بس ومتشلش هم ولما يبقي وراك مادة واحدة "ليلة الامتحان" هتعرف تلمها كويس لو ذاكرتها كويس طول السنة ومتوهمش نفسك بالخرافات
ولو مبدأتش لسة الفرصة قدامك انا بدأت شرعي وعربي متأخر ولحقت المُّه بس نصيحة بلاش تتأخر نفسيتك هتدمر
ولو مبدأتش لسة الفرصة قدامك انا بدأت شرعي وعربي متأخر ولحقت المُّه بس نصيحة بلاش تتأخر نفسيتك هتدمر
٣) ذاكرت ومش هجيب > ديه حاجة بتاعت ربنا ،، كن علي تمام اليقين إن ربنا رايدلك الخير انا عن نفسي كان أقصى طموحي هندسة والحمد لله دخلت طب ومحدش كان متوقعهالي
وبعدين بيني وبينك في كام حاجة ممكن نعملها في الامتحان كدا تظبط الدنيا زى
- نظام الورقة و تنسيقها ، و تجاوب كل فقرة من السؤال فى سطر
- نقل رأس السؤال
- الاستفـــــــــــاضة: كل اللى على لسانك اكتبه فى الإجابة ،لأن المواد ديه كنت أنت طول السنة بتروح دروس عشان تفهم ، طلّع حفظك و فهمك فى الورقة
- يكون عندك تقدير فنّى للسؤال ، ميبقاش السؤال عليه خمستاشر درجة فى الشرعى مثلا ، و تجاوبه فى عشر سطور! ، لأ جاوبه فى ما لا يقل عن خمستاشر سطر (( وده هييجى معاك غصب عنك ؛ لو استفضت)) ، ده غالبًا لأن المصحح مبيبصش لتوزيع الدرجات ، هو ماشى يصحح و يحط وحايد (جمع: واحد) من غير ما يهتم و لا يراعى أن ده مستقبل شخص.
No comments:
Post a Comment