الأقلام الفلورسينت (highlighter)
أحيانًا بتشوف واحد ماسك القلم و عمال يظلل بيه الكلام كلّه 😄 ، كأن ده ختم المذاكرة ، الحتة المتظلله ديه اللى اتذاكرت و العكس صحيح 😃
أحيانًا بتشوف واحد ماسك القلم و عمال يظلل بيه الكلام كلّه 😄 ، كأن ده ختم المذاكرة ، الحتة المتظلله ديه اللى اتذاكرت و العكس صحيح 😃
لكن خلّينا ندردش إزاى نستخدم الأقلام ديه بطريقة مفيدة لأقصى درجة !
●● القاعدة: إنك هتستخدمها عشان تنظّم مذاكرتك
>> فمثلًا لو مسكنا مادة زىّ التفسير ، نيجى عند كل إعراب مثلًا و تظلله بالأخضر و كل صورة بلاغية بالبرتقالى مثلا ، فلو عاوز تراجع سريعًا عالإعرابات تبص بعينك سريعًا على كل الكلام المتحدد بالأخضر و هكذا ،،،
>> النصوص مثلًا عاوز تحدد الصور البيانية بلون و الألوان البديعية بلون أخر و هكذا
>>الفقه الحنفى مثلا تحدد اللون الأخضر لرأى الإمام "محمد" ، الأزرق "أبو يوسف" ، البرتقالى "زفر" ، فلمّا ييجى زى امتحان 2016 أدبى دور أول و يجيب المسألة بحكمها و يطلب صاحب الرأى ، تشتغل هنا ذاكرتك البصرية و تقول ده كان متظلل بالبرتقالى ؛ ده أكيد كان رأى زفر (طبعًا أنت حافظ و مذاكر بس زيادة فى التأكيد و التسهيل على نفسك 😉 )
___
طب و الأصفر؟؟
■■■ الأصفر ده أكتر لون العين بتلاحظه!! (عشان كده فى البلاد الأجنبية بيعملوا باصات المدارس لونها أصفر عشان لو أنت ماشى بالعربية تلاحظ باص المدرسة بسرعة من لونه فتهدّى السرعة لأن هيكون فيه طفل هيظهر فى لحظة أو أخرى بيجرى تِجاه الباص فمتخبطهوش !!😉 )
■■ عشان كده أنت تخلّى الأصفر للحاجات اللى بتنساها 😲 ، بمعنى مسكت الدرس تسمّعه لأخوك و فيه حتّة أو معنى أو إعراب أو رأى أو خِلافه مقولتهوش و نسيته و جيت تسمّع الدرس تانى برضه نسيته ،، حدده بالأصفر و كل مرة هتفتح الكتاب هتلاقى عينك تلقائيًا راحت بصّت عليه ، و مرّة × مرة هتحفظ الحتة ديه بسهولة.
ليست هناك تعليقات:
إرسال تعليق