المفروض تعمل ايه في شهر مايو؟
البوست ده مكوّن من ثلاث مراحل
1) المرحلة الأولى: شهر ما قبل الامتحانات ؛ لازم فى هذا الشهر تحل أكبر كم من الامتحانات
-- لو يوم مذاكرتك اتناشر ساعة ، يبقى تسعة منهم حل امتحانات ، و تلاتة بس مذاكرة لـ باب مُعيّن حاسس إنك واقع فيه ، كام حديث لسه مفتحتهمش .....إلخ
الحكمة من كده : اللى محدش مُدركه أن اللى بيحط الامتحان ده بنى آدم ، ليه دماغ مُعيّنه و اتجاهاته الخاصّة
كمثال: اللى بيحط امتحان الفيزياء مثلا ممتاز فى باب الفيزياء الحديثة و معاه فيه دكتوراة يقوم مركّز بغبااااء عليه و يحط منه أسئلة تقيلة و ييجى فى الكهربية اللى أنت قاتل نفسك فيها و يحط أسئلة تافهة (مثلا)
حتى لو اتغيّر ، دى بتكون مدرسة (زى ما بتدرس مدرسة "المحافظين ، المجددين" كل مدرسة ليها أسلوبها) ، هو مثلا طقم مستشارين الكيمياء دول بتوع العِقد الحالى تلامذة أستاذ فلان الفلانى فهتلاقيهم واخدين منه دماغه و أحلى أقوى ما فيه بقى أحلى و أقوى ما فيهم (هكذا)
*** نتيجة لـ كده، بتلاقى 80% من محتوى الامتحان مُكرّر، حتى ولو نسجه بأسلوب وطراز مختلف
ومذاكرتك هتفرق معاك فى الـ 20% المُتبقية (ممكن يألّفهم من دماغه، والأسهل إنه ممكن ينقلهم من أحدث كام امتحان تربية و تعليم، وهو ما حدث بالفعل العام الماضى فى امتحان الكيمياء والميكانيكا والأحياء ؛ صحيح فى نقطتين أو تلاتة لكن كلامى لواحد عاوز تقفيل)
وديه الاختبارات السابقة لجميع المواد العربية والشرعية والثقافية
https://abotaleb.wixsite.com/thanawyazhari/previous-exams
_____
2) المرحلة التانية: اليوم و نص ما قبل الامتحان ؛
-- أولا: امسك الكتاب سمّعه لنفسك من الجلدة للجلدة تسميع بصوت
أ) تسمّع المنهج كامل عشان الأساسيات تدخل بيها ، و مفيش نقطة تقع من دماااغك خااالص
ب) تسمّع بصوت ؛ لأنك أنت كده بتسمّع لنفسك و فى نفس الوقت بتدّخل المعلومات من تانى فى دماغك ! ، أه و ده لأن أقوى حاسّة عندك هى السمع و دايمًا تُذكر فى القرآن أوّلًا قبل البصر ، و بدليل: هات أى أغنية و أقعد أقرأها و احفظها عمرك ما هتحفظها ، إنما أسمعها فى كام توكتوك و أنت فى المواصلات هتحفظها صم (مع الإعتذار لـ دنوّ التشبيه)
-- ثالثًا: تناااااااااااااااااام كويس ، مش ترهق أعصابك و مخّك و تدخل الامتحان مشوّش ، لو نمت كويس هتقدر فى الامتحان مع صفاء ذهنك تفتكر معلومات من شهر أغسطس اللى فات (( ده للى مذاكر تمام من أوّل السنة ، و عاوز تقفيل))
-- ثانيًـا: كُل كويّس و اشرب بيبسى (مع تحفُّظى على أضراره) و كل شوكلاته ، فيهم كافيين (مادّة مُنبّهة) و أنت داخل اللجنة ، أمّا فى أيام الصيام خدهم فى السحور ،،،
و مفيش نقاش فى موضوع "أصوم و لا لأ!" ، رضِا ربّنا عليك و رضا والدتك ، هم اللى بيجيبوا الدرجات قبل مذاكرتك أصلا! عشان كده تصوم و متغشش!
_________
3) المرحلة التالتة: أثناء الامتحااان:
الثلاث ساعات دول هم فيْصل حياتك ! ، هم دول اللى بيحددوا مستقبلك فى مصر!
-- أولا: مش تكروت الاجابات و تخلّص فى ساعتين و تمشى و أنت مش مدرك أنك بتدمر مستقبلك !
تقعدهم بذمّة و ضمير ، تسطّر ورقتك و تجاوب كل سؤال فى سطر
مثلا مش يقولّك " متى ولد صلاح الدين ؟ و أين" تكتبهم فى نفس السطر !
و تكتب رؤوس الأسئلة " ولد صلاح الدين عام .... " مش تكتب التاريخ و تجرى!
اللى معاه النموذج معهوش السؤال ! ، إيش عرّفه أن النموذج كان طالب التاريخ مش طالب الشخصية اللى اتولدت فى التاريخ ده ! ((طبعا ده كمثال))
-- ثانيًا: تكتب كل ما تعرفه مش يسألك "أكتب وظيفة واحدة للدايود" تكتب "مفتاح" و تمشى !
لأ ، اكتبله كل الوظائف اللى تعرفها ، بالأسس العلمية كمان ، #عرّف_المصحح_إنك_عارف
و أى كلمة تقدر تكتبها زيادة على الإجابة المطلوبة ، اكتب و وضّح و استفيض ، أنت أودّامك خمس و عشرين دقيقة لكل سؤال و خمسة مراجعة ، عارف يعنى إيه خمسة و عشرين دقيقة !
فى السؤال ما يقرب من عشر فقرات ، يعنى دقيقين و نص للسؤال ، يعنى مائة و خمسين ثانية يعنى تقدر تكتب مائة و خمسين كلمة ! #متبخلش !
غير أن أنت عندك أسئلة هتخدّم عالباقى (الصح و غلط و التوصيل و الاختيارات و المصطلح العلمى) كل دول هيدّوا وقت للباقيين ، و إن كان حتى الأسئلة دى لو فيها فى الفيزيا أو الكيمياء تفكير ، متبخلش إنك تعملهم مسودة و تكتب اللى أنت عاوز تكتبه عنهم!
مثال: السنة اللى فاتت كان حاطط تعريف الثمرة الكاذبة و طالب المصطلح ، تكتبله الثمار الكاذبة كـ التفاح ، أهى زيادة و خلاص تعرف بيها المصحح إنك عارف
-- رابعًا : يكون عندك تقدير فنّى للسؤال ((خاصة الأدب)) فى سؤال السنة اللى فاتت
--> تحدّث عن الطباعة و مرصود للسؤال ثمانى درجات ! ، هل تخط العناصر الرئيسية بس ! و لا تستفيض بغبااااااااء مع كتابة كل ما يمت للطباعة بصلة ؟
ميبقاش السؤال عليه خمستاشر درجة فى الشرعى مثلا ، و تجاوبه فى عشر سطور! ، لأ جاوبه فى ما لا يقل عن خمستاشر سطر (( وده هييجى معاك غصب عنك ؛ لو مشيت بالخطوات السابقة دى)) ، ده غالبًا لأن المصحح مبيبصش لتوزيع الدرجات ، هو ماشى يصحح و يحط وحايد (جمع: واحد) من غير ما يهتم و لا يراعى أن ده مستقبل بنى آدم و قد يكون مستقبل العائلة بأكملها
بس أنت بكل الخطوات دى بتتلافاه و تحاول تبتعد عن ظلمه
كمان فى الشفوى بمناسبة الظلم ، متنسوش تدخلوا بـ كتاب الحديث و تديهوله يسأل منه عشان ميسألكوش من بره المنهج و من وحى خياله
البوست ده مكوّن من ثلاث مراحل
1) المرحلة الأولى: شهر ما قبل الامتحانات ؛ لازم فى هذا الشهر تحل أكبر كم من الامتحانات
-- لو يوم مذاكرتك اتناشر ساعة ، يبقى تسعة منهم حل امتحانات ، و تلاتة بس مذاكرة لـ باب مُعيّن حاسس إنك واقع فيه ، كام حديث لسه مفتحتهمش .....إلخ
الحكمة من كده : اللى محدش مُدركه أن اللى بيحط الامتحان ده بنى آدم ، ليه دماغ مُعيّنه و اتجاهاته الخاصّة
كمثال: اللى بيحط امتحان الفيزياء مثلا ممتاز فى باب الفيزياء الحديثة و معاه فيه دكتوراة يقوم مركّز بغبااااء عليه و يحط منه أسئلة تقيلة و ييجى فى الكهربية اللى أنت قاتل نفسك فيها و يحط أسئلة تافهة (مثلا)
حتى لو اتغيّر ، دى بتكون مدرسة (زى ما بتدرس مدرسة "المحافظين ، المجددين" كل مدرسة ليها أسلوبها) ، هو مثلا طقم مستشارين الكيمياء دول بتوع العِقد الحالى تلامذة أستاذ فلان الفلانى فهتلاقيهم واخدين منه دماغه و أحلى أقوى ما فيه بقى أحلى و أقوى ما فيهم (هكذا)
*** نتيجة لـ كده، بتلاقى 80% من محتوى الامتحان مُكرّر، حتى ولو نسجه بأسلوب وطراز مختلف
ومذاكرتك هتفرق معاك فى الـ 20% المُتبقية (ممكن يألّفهم من دماغه، والأسهل إنه ممكن ينقلهم من أحدث كام امتحان تربية و تعليم، وهو ما حدث بالفعل العام الماضى فى امتحان الكيمياء والميكانيكا والأحياء ؛ صحيح فى نقطتين أو تلاتة لكن كلامى لواحد عاوز تقفيل)
وديه الاختبارات السابقة لجميع المواد العربية والشرعية والثقافية
https://abotaleb.wixsite.com/thanawyazhari/previous-exams
_____
2) المرحلة التانية: اليوم و نص ما قبل الامتحان ؛
-- أولا: امسك الكتاب سمّعه لنفسك من الجلدة للجلدة تسميع بصوت
أ) تسمّع المنهج كامل عشان الأساسيات تدخل بيها ، و مفيش نقطة تقع من دماااغك خااالص
ب) تسمّع بصوت ؛ لأنك أنت كده بتسمّع لنفسك و فى نفس الوقت بتدّخل المعلومات من تانى فى دماغك ! ، أه و ده لأن أقوى حاسّة عندك هى السمع و دايمًا تُذكر فى القرآن أوّلًا قبل البصر ، و بدليل: هات أى أغنية و أقعد أقرأها و احفظها عمرك ما هتحفظها ، إنما أسمعها فى كام توكتوك و أنت فى المواصلات هتحفظها صم (مع الإعتذار لـ دنوّ التشبيه)
-- ثالثًا: تناااااااااااااااااام كويس ، مش ترهق أعصابك و مخّك و تدخل الامتحان مشوّش ، لو نمت كويس هتقدر فى الامتحان مع صفاء ذهنك تفتكر معلومات من شهر أغسطس اللى فات (( ده للى مذاكر تمام من أوّل السنة ، و عاوز تقفيل))
-- ثانيًـا: كُل كويّس و اشرب بيبسى (مع تحفُّظى على أضراره) و كل شوكلاته ، فيهم كافيين (مادّة مُنبّهة) و أنت داخل اللجنة ، أمّا فى أيام الصيام خدهم فى السحور ،،،
و مفيش نقاش فى موضوع "أصوم و لا لأ!" ، رضِا ربّنا عليك و رضا والدتك ، هم اللى بيجيبوا الدرجات قبل مذاكرتك أصلا! عشان كده تصوم و متغشش!
_________
3) المرحلة التالتة: أثناء الامتحااان:
الثلاث ساعات دول هم فيْصل حياتك ! ، هم دول اللى بيحددوا مستقبلك فى مصر!
-- أولا: مش تكروت الاجابات و تخلّص فى ساعتين و تمشى و أنت مش مدرك أنك بتدمر مستقبلك !
تقعدهم بذمّة و ضمير ، تسطّر ورقتك و تجاوب كل سؤال فى سطر
مثلا مش يقولّك " متى ولد صلاح الدين ؟ و أين" تكتبهم فى نفس السطر !
و تكتب رؤوس الأسئلة " ولد صلاح الدين عام .... " مش تكتب التاريخ و تجرى!
اللى معاه النموذج معهوش السؤال ! ، إيش عرّفه أن النموذج كان طالب التاريخ مش طالب الشخصية اللى اتولدت فى التاريخ ده ! ((طبعا ده كمثال))
-- ثانيًا: تكتب كل ما تعرفه مش يسألك "أكتب وظيفة واحدة للدايود" تكتب "مفتاح" و تمشى !
لأ ، اكتبله كل الوظائف اللى تعرفها ، بالأسس العلمية كمان ، #عرّف_المصحح_إنك_عارف
و أى كلمة تقدر تكتبها زيادة على الإجابة المطلوبة ، اكتب و وضّح و استفيض ، أنت أودّامك خمس و عشرين دقيقة لكل سؤال و خمسة مراجعة ، عارف يعنى إيه خمسة و عشرين دقيقة !
فى السؤال ما يقرب من عشر فقرات ، يعنى دقيقين و نص للسؤال ، يعنى مائة و خمسين ثانية يعنى تقدر تكتب مائة و خمسين كلمة ! #متبخلش !
غير أن أنت عندك أسئلة هتخدّم عالباقى (الصح و غلط و التوصيل و الاختيارات و المصطلح العلمى) كل دول هيدّوا وقت للباقيين ، و إن كان حتى الأسئلة دى لو فيها فى الفيزيا أو الكيمياء تفكير ، متبخلش إنك تعملهم مسودة و تكتب اللى أنت عاوز تكتبه عنهم!
مثال: السنة اللى فاتت كان حاطط تعريف الثمرة الكاذبة و طالب المصطلح ، تكتبله الثمار الكاذبة كـ التفاح ، أهى زيادة و خلاص تعرف بيها المصحح إنك عارف
-- رابعًا : يكون عندك تقدير فنّى للسؤال ((خاصة الأدب)) فى سؤال السنة اللى فاتت
--> تحدّث عن الطباعة و مرصود للسؤال ثمانى درجات ! ، هل تخط العناصر الرئيسية بس ! و لا تستفيض بغبااااااااء مع كتابة كل ما يمت للطباعة بصلة ؟
ميبقاش السؤال عليه خمستاشر درجة فى الشرعى مثلا ، و تجاوبه فى عشر سطور! ، لأ جاوبه فى ما لا يقل عن خمستاشر سطر (( وده هييجى معاك غصب عنك ؛ لو مشيت بالخطوات السابقة دى)) ، ده غالبًا لأن المصحح مبيبصش لتوزيع الدرجات ، هو ماشى يصحح و يحط وحايد (جمع: واحد) من غير ما يهتم و لا يراعى أن ده مستقبل بنى آدم و قد يكون مستقبل العائلة بأكملها
بس أنت بكل الخطوات دى بتتلافاه و تحاول تبتعد عن ظلمه
كمان فى الشفوى بمناسبة الظلم ، متنسوش تدخلوا بـ كتاب الحديث و تديهوله يسأل منه عشان ميسألكوش من بره المنهج و من وحى خياله
ليست هناك تعليقات:
إرسال تعليق